Edon Zhegrova nuk do të luajë për Kosovën ndaj Irlandës, të martën mbrëma. Sulmuesi i krahut është liruar të dielën nga grumbullimi, ka njoftuar FFK-ja.
Përzgjedhësi Franco Foda e ka lënë të lirë edhe Veldin Hoxhën, të ndëshkuar me të kuq ndaj Izraelit të shtunën.
“Zhegrova është liruar për shkak të lëndimit, i cili ia pamundëson të jetë i gatshëm për ndeshjen e radhës kundër Irlandës, ndërsa Hoxha për shkak të pezullimit si pasojë e kartonit të kuq, pas dy të verdhëve, në ndeshjen e djeshme kundër Izraelit”, shkruan në njoftim.
Zhegrova e Hoxha startuan ndaj Izraelit në ndeshjen që përfundoi 0:0.