Real Madridi e ka eliminuar Atletico Madridin në Superkupën e Spanjës dhe i është bashkuar Barcelonës në finale.
“Mbretërit” të enjten mbrëma fituan 2:1 ndaj Atleticos, në ndeshjen që u zhvillua në “King Abdullah Sports City” në Jeddah të Arabisë Saudite.
Federico Valverde realizoi supergol nga gjuajtja e lirë në minutën e dytë të ndeshjes. Më pas përgatiti golin për Rodrygon, i cili në minutën e 55-të, shënoi për 2:0.
Atletico golin e vetëm në ndeshje e shënoi me Alexander Sorlothin, tre minuta më pas.
Finalja “El Clasico” e Superkupës së Spanjës do të luhet të dielën në mbrëmje.
Dy gola të shpejtë në ndeshjen Atletico-Real
Dy gola të shpejtë janë shënuar në ndeshjen Atletico Madrid-Real Madrid. Fillimisht Real ka dyfishuar epërsinë, por menjëherë kanë reaguar kundërshtarët duke ngushtuar rezultatin.
Rodrygo shënoi për 2:0 në minutën e 54-t me një driblim maestral, pas pasimit nga Valverde.
Vetëm tre minuta më pas epërsinë e ngushtoi Alexander Sorloth.
Valverde “bombardon” Atleticon
Federico Valverde ka kaluar Real Madridin në epërsi ndaj Atleticos në gjysmëfinale të Superkupës së Spanjës me një supergol nga gjuajtja e lirë në minutën e dytë.
Valverde me një gjuajtje të fuqishme “bombardoi” portën e Jan Oblakut.
Në finale, fituesin e duelit e pret Barcelona.