Përditësim - Supergoli i sulmuesit shqiptar, Brajan Gruda, e ka lënë sërish pa fitore skuadrën e Manchester Cityt.
City të dielën pasdite u befasua në ndeshjen që i takoi xhiros së tretë të Premier Leagues pasi u mposht në udhëtim nga Brightoni me rezultatin 2:1.
Dhe ishte pikërisht goli i Grudës që ia shkaktoi disfatën e dytë radhazi Cityt.
Edhe pse City kaloi në epërsi në minutën e 34-t me golin që e realizoi Erling Haaland, Brightoni u përgjigj në pjesën e dytë për ta shënuar fitoren e parë këtë edicion.
James Milner ishte i saktë nga pika e bardhë në minutën e 67-të për 1:1.
21-vjeçari Gruda e shënoi golin e fitores në minutën e 89-të. Ai dribloi dy futbollistë të Cityt dhe e dërgoi topin në rrjetë.
Gruda në lojë u inkuadrua në minutën e 61-të.
Sulmuesi i krahut edhe të mërkurën shënoi një gol dhe bëri një asistim për Brightonin në fitoren 6:0 ndaj Oxford Unitedit në kuadër të Kupës së Ligës angleze.
Brightoni në dy ndeshjet e kaluara barazoi me Fulhamin dhe u mposht nga Evertoni.
Ndërsa City fitoi ndaj Wolverhamptonit dhe u mposht nga Tottenham Hotspuri.
Supergoli i Grudës ndaj Cityt
Brajan Gruda ka shënuar supergol ndaj Manchester Cityt.
Ai e realizoi golin e epërsisë 2:1 për Brightonin ndaj Cityt. Po zhvillohet minuta e 94-t dhe Brightoni po udhëheq 2:1.
6
Brajan Gruda with an injury time goal to give Brighton the lead.
2-1 Brighton #BHAMCIpic.twitter.com/orRI3KvRN0— HF World (@hfworld_) August 31, 2025