Përditësim, 19:25 - Sulmuesi shqiptar që luan për Brightonin, Brajan Gruda, ka shkëlqyer të dielën mbrëma në përballjen ndaj Manchester Unitedit.
Brightoni e eliminoi Unitedin nga Kupa FA duke e mposhtur me rezultatin 2:1.
Me fitore, Brightoni ka avancuar në raundin e katërt të FA Cup.
Gruda ishte më meritori në fitoren e Brightonit ndaj “Djajve të Kuq”. 21-vjeçari shënoi golin e parë dhe asistoi në të dytin.
Gruda për 1:0 shënoi në minutën e 12-të nga afërsia. Ndërsa asistimin e bëri te goli i dytë e që ishte i fitores të cilin e realizoi anglezi Danny Welbeck në minutën e 64-t.
Ndërsa golin e vetëm për Unitedin e shënoi Benjamin Sheshko në minutën e 85-të.
Gruda këtë edicion në Premier League ka një gol dhe një asistim. Një gol e një asistim e ka edhe në EFL Cup.
Brightoni në elitën angleze ka 29 pikë dhe renditet në pozitën e 11-të. Unitedi ka tri pikë më shumë në vendin e shtatë.
Gruda shënon gol ndaj Unitedit
Sulmuesi Brajan Gruda ka shënuar gol ndaj Manchester Unitedit.
Gruda luan për skuadrën e Brightonit që aktualisht është duke fituar 1:0 ndaj Unitedit derisa po luhet minuta e 23-të.
Gruda e shënoi golin e epërsisë në minutën e 12-të.
Ndeshja i takon raundin të tretë FA Cup.
Brajan Gruda is the opener.
🏴 Manchester United 0-1 Brightonpic.twitter.com/x7zL7NWvkH— Goals Xtra (@GoalsXtra) January 11, 2026