Manchester City e ka regjistruar barazimin e tretë rresht në elitën angleze.
Të mërkurën në “Etihad Stadium”, në ndeshjen e xhiros së 21-të, u ndal në barazim 1:1 nga Brightoni i Brajan Grudës.
Erling Haaland golin e 20-të në këtë kampionat e shënoi nga penalltia në minutën e 41-të.
Por Kaoru Mitoma pas një ore lojë i barazoi shifrat në 1:1 dhe ia siguroi skuadrës së tij një pikë. Gruda te Brightoni luajti nga minuta e 77-të.
City në dy xhirot e kaluara barazoi edhe me Chelsean dhe Sunderlandin dhe mbetet prapa në garën për titull. Ka pesë pikë më pak se Arsenali lider, që e ka një ndeshje më pak të luajtur.
Brightoni ka 29 pikë në mesin e tabelës.