Futboll

Shaqiri asiston, Baseli mposht Sionin

Xherdan Shaqiri

Xherdan Shaqiri ishte protagonist në fitoren e skuadrës së Baselit. 

Baseli të shtunën mbrëma në udhëtim fitoi 1:0 ndaj Sionit. Kjo ndeshje i takoi xhiros së pestë të Superligës së Zvicrës në futboll. 

Shaqiri asistoi te goli i fitores në minutën e 14-të. Ai luajti deri në minutën e 72-të dhe ishte prej më të mirëve në fushë. 

Bashkëlojtari i Shaqirit, Albian Ajeti, u paraqit deri në minutën e 62-të. 

Te Sioni, Benjamin Kololli luajti deri në minutën e 68-të kurse Rilind Nivokazi deri në minutën e 75-të. 

33-vjeçari Shaqiri në tetë ndeshjet e luajtura deri më tani në të gjitha garat ka katër gola të shënuar dhe tri asistime. 

Baseli të mërkurën u eliminua nga Copenhageni në plejof të Ligës së Kampionëve.