Mesfushori i Villarrealit, Thomas Partey, është paraqitur të mërkurën në një gjykatë në Londër dhe është deklaruar i pafajshëm për akuzat për dhunim dhe sulm seksual ndaj tri grave.
Reprezentuesi i Ganës është i akuzuar për pesë raste lidhur me dhunimin e dy grave, ndërsa e ka edhe një akuzë për sulm seksual ndaj një gruaje të tretë. Sipas akuzës, rastet kanë ndodhur nga prilli i vitit 2021 deri në qershor 2022.
Ai ishte pjesë e Arsenalit, ndërsa është larguar në verë për te Villarreali. Partey luajti në Ligën e Kampionëve të martën ndaj Tottenhamit dhe të mërkurën u paraqit në gjykatë ku nuk pranoi akuzat që e rëndojnë.