Chris Wood ka shënuar “hat-trick” në fitoren 7:0 të Nottingham Forestit ndaj Brightonit të shtunën në kuadër të xhiros së 24-t të Premier Leagues angleze.
Ishte përgjigje pozitive e kësaj skuadre pas disfatës së thellë 5:0 në udhëtim te Bournemouthi në xhiron e kaluar.
Por, një javë më pas, e shënoi fitoren më të thellë në histori të klubit në Premier League, ndaj Brightonit.
Autogoli i Lewis Dunk dhe golat nga Morgan Gibbs-White e Wood, u panë në pjesën e parë nga tifozët e mbledhur në stadium.
Skuadra e tyre shënoi edhe katër herë tjera në pjesën e dytë.
Edhe
Nottinghami e Braga i fitojnë ndeshjet e para gjysmëfinale
Wood e kompletoi tregolëshin pas realizimeve në minutat 64 e 69.
Neco Williams në minutën e 89-të dhe Jota Silva në minutën e 91-të, i shënuan golat e fundit në ndeshje për vendësit.
Ishte fitorja më e madhe në këtë edicion të Premier Leagues.
Brajan Gruda mbeti në bankën rezervë te mysafirët.
Edhe
Nottinghami fiton thellë ndaj Sunderlandit të Xhakës
Nottinghami mbetet në pozitën e tretë me 47 pikë pas 24 ndeshjeve.
Ndërkohë, Brightoni mbetet me 34 pikë.
