Napoli i kapitenit të Kosovës, Amir Rrahmanit, vlerësohet favorit për ta fituar titullin edhe në edicionin aktual.
Kështu ka shkruar “Football-Italia” të shtunën, ndërsa ka dhënë edhe disa arsye për një tjetër sukses të skuadrës italiane.
Në Serie A deri në fund të kampanjës kanë mbetur edhe tri xhiro për t’u luajtur.
Napoli është i pari me 77 pikë, tri më shmë se Interi i vendit të dytë.
Të dielën, Napoli e pret Genoan nga ora 20:45, ndërsa Interi ballafaqohet me Torinon në udhëtim, nga ora 18:00.
Në pesë edicionet e fundit në Itali ka pasur katër fitues të ndryshëm. Asnjë skuadër nuk ka arritur që ta mbrojë titullin.
Interi ishte favorit, por lufta në tri fronte i ka lënë prapa “nerazzurrët”.
Edhe
Te Napoli përgatiten për festë të madhe
Interi është në finale të Ligës së Kampionëve, ndërsa në gjysmëfinale të Kupës së Italisë u eliminua nga Milani. Napoli përparësi garën për titull e kishte pas eliminimit të hershëm në 1/8 e finales në Kupën e Italisë, ndërsa nuk ka luajtur fare në kupat evropiane në këtë sezon.
Napoli e fitoi titullin në Serie A pas 33 vjetësh në edicionin 2022-23, kur skuadrën e udhëhiqte Luciano Spalletti.
Do të ishte titulli i katërt në histori nëse triumfojnë sërish në këtë eidcion.
