Mario Mitaj është zyrtarizuar te skuadra e elitës së futbollit në Arabinë Saudite, Al Ittihad.
21-vjeçari Mitaj, që është njëri prej lojtarëve më të rëndësishëm të Shqipërisë, është transferuar në Arabinë Saudite nga skuadra e Lokomotivës së Moskës.
Mbrojtësi i krahut të majtë është huazuar, ndërsa skuadra arabe e ka të drejtën e blerjes së kartonit të tij.
Tek Al Ittihadi luajnë edhe yjet si Karim Benzema e N’Golo Kante.
Ai do të marrë pagë vjetore prej tre milionë eurove në edicion, kurse për huazimin e tij, Al Ittihadi do të paguajë 1.2 milionë euro.
Në rast të transferimit të plotë të tij në fund të edicionit, Al Ittihadi do t’i paguajë edhe pesë milionë euro.
Mitaj karrierën e ka nisur tek AEK-u i Athinës.
Në katër ndeshjet e edicionit aktual me Lokomotivën e Moskës, Mitaj pati dy asistime.
