Përditësim, 19:31 - Kampioni i Anglisë në futboll, Liverpooli, mposhti nënkampionin Arsenalin, të dielën në ndeshjen derbi të xhiros së tretë të Premier Leagues së Anglisë.
Derbi i Anglisë u vendos nga supergoli i Dominik Szoboszlait në minutën e 83-të.
Futbollisti hungarez shënoi me goditje të fortë nga rreth 25 metra.
Ndeshja Liverpool – Arsenal, u zhvillua të dielën në stadiumin historik “Anfield” dhe i takoi xhiros së tretë të elitës së futbollit anglez.
Liverpooli është forcuar në vendin e parë më nëntë pikë nga tri ndeshje.
Arsenali zë vendin e tretë me gjashtë pikë.
Shënohet goli i parë në “Anfield”
Përditësim, 19:14 - Liverpooli ka kaluar në epërsi ndaj Arsenalit me supergolin e Dominik Szoboszlait.
Futbollisti hungarez e shënoi supergolin në minutën e 83-të në ndeshjen derbi të xhiros së tretë të Premier Leagues së Anglisë.
DOMINIK SZOBOSZLAI🤯🤯🤯🤯🤯⚽️#LIVARS
pic.twitter.com/8mrI958OH8— Pitch Wire (@wire_pitch) August 31, 2025
Mbyllet baras pjesa e parë e derbit Liverpool – Arsenal
Ka përfunduar baras 0:0 pjesa e parë e derbit të Premier Leagues së Anglisë ndërmjet Liveproolit dhe Arsenalit.
Dueli që zhvillohet në stadiumin “Anfield” i takon xhiros së tretë të elitës së futbollit anglez.
William Saliba u detyrua të largohet në minutën e pestë nga fusha për shkak të lëndimit të pësuar.
Liverpooli e Arsenali kanë nga dy fitore.