Lojtarët e ekipit ukrainas, Oleksandriya, kanë refuzuar t’’ia zgjasin dorën lojtarëve të Partizanit të Beogradit.
Këto dy skuadra janë përballur të enjten në Poloni në kuadër të raundit të dytë kualifikues të Ligës së Konferencës. Lojtarët e ekipit ukrainas u rreshtuan të mbështjellur me flamuj të vendit të tyre. Ndërkohë, sipas “index.hr”, kanë refuzuar të shtrëngojnë duart me lojtarët e ekipit serb.
Sipas raportimeve, këtë e kanë bërë për shkak të afërsisë së serbëve me rusët dhe për pjesëmarrjen e Partizanit në një turne në Rusi.
Pjesëmarrjen në turneun në Rusi, klubi ukrainas e ka cilësuar akt armiqësor.
Partizani e fitoi 2:0 ndeshjen.