Liverpooli e ka prezantuar të mërkurën sulmuesin 23-vjeçar, Hugo Ekitike.
Ekitike që iu bashkua Eintracht Frankfurtit në vitin 2024 për 16.5 milionë euro, e kompletoi transferimin te kampioni i Anglisë për 95 milionë euro, pasi i kaloi edhe testet mjekësore.
Sezonin e tij të parë me Frankfurtin, atë 2024-25, Ekitike e mbylli me 22 gola e 12 asistime në 48 paraqitje.
Frankfurti e siguroi Ligën e Kampionëve pasi përfundoi në vendin e tretë në Bundesligë.
Ekitike është transferimi i radhës për Liverpoolin, që në këtë afat kalimtar ka transferuar edhe Jeremie Frimpongun, Milos Kerkezin, Giorgi Mamardashvilin dhe Florian Wirtzin.
