Amir Rrahmani u lëndua të shtunën në fitoren e Napolit ndaj skuadrës së Atalantas.
Napoli fitoi 3:1 në shtëpi në ndeshjen që i takoi javës së 12-të të Serie A.
Kapiteni i Kosovës, Rrahmani, që është lider i mbrojtjes te napolitanët u detyra ta lërë fushën në minutën e 64-t për shkak të një lëndimi. Ai u zëvendësua me Juan Jesusin.
David Neres i realizoi dy golat e parë për kampionin në fuqi të Italisë.
Golin e tretë për vendësit e shënoi Noa Lang.
Ndërkohë, Gianluca Scamacca, ishte realizatori i golit të vetëm për Atalantan.
Tek Atalanta ndeshjen e kompletoi kapiteni i Shqipërisë, Berat Gjimshiti.
Napoli ka 25 pikë dhe renditet lart në tabelë. Atalanta është në mesin e tabelës me 13 pikë.
31-vjeçari Rrahmani edhe në fillim të edicionit kishte telashe me lëndime.
Mbrojtësi i qendrës për shkak të një lëndimi muskulor mungoi në 12 ndeshje.