RB Leipzigu e ka fituar vetëm një pikë në ndeshjen hapëse të xhiros së 12-të të Bundesligës gjermane.
Leipzigu të premten mbrëma në udhëtim barazoi pa gola me Borussia Monchengladbachun.
Për Leipzigun ishte barazimi i dytë këtë edicion, krahas tetë fitoreve dhe dy disfatave. E zë vendin e dytë me 26 pikë. Lider është Bayern Muncheni me 31 pikë.
Ndërkohë Monchengladbachu ka tri fitore, katër barazime dhe pesë humbje. Renditet në pozitën e 11-të me 13 pikë.
Monchengladbachut iu anulua një gol i sulmuesit francez, Franck Honorat, në minutën e 47-të për shkak të pozitës jashtë loje.
Leipzigu kishte 20 raste shënimi por që nuk i konkretizoi.
Edhe posedimi i topit ishte në anën e Leipzigut.