Qendërmbrojtësi Mirlind Kryeziu karrierën do ta vazhdojë sërish në futbollin zviceran.
Kryeziu do t’i bashkohet skuadrës së Winterthurit, shkruan të hënën gazeta e madhe zvicerane “Blick”.
Ai do t’i nënshtrohet testeve mjekësore dhe më pas do ta nënshkruaj kontratën.
Kryeziu është pa klub që nga vera e vitit të kaluar kur edhe i skadoi kontrata me Zurichun.
Ditët e fundit është raportuar se Kryeziu mund të kthehej sërish te Zurichu. Këtë e konfirmoi edhe presidenti i Zurichut, Ancillo Canepa.
Por mbrojtësi kosovar ka vendosur që të jap kontribut për Winterthurin, që është duke luftuar për mbetje në elitë.
Edhe
Kryeziu zyrtarizohet te Winterthuri
Winterthuri është në pozitën e fundit në tabelë me 13 pikë.
Ai pritet t’i sjellë Winterthurit përvojë të madhe në repartin defensivë.
29-vjeçari Kryeziu është zhvilluar si futbollist te Zurichu. Mbrojtësi i qendrës me Zurichun ka zhvilluar 163 ndeshje derisa ka kontribuar edhe me dhjetë gola dhe pesë asistime. Ai me Kosovën ka dhjetë ndeshje të luajtura.
