Aziz Yildirim vlerësohet pretendent i fortë për president të gjigantit turk të futbollit, Fenerbahçe. Dhe mediat turke kanë shkruar të premten se Yildirim ka plan për investim prej 200 milionë eurosh në skuadrën e Fenerit.
Ndër të tjera ai planifikon forcimin e sulmit me Vedat Muriqin dhe Alexander Sorlothin.
“Është raportuar se Yildirim nuk dëshiron të bëjë gabime në transferimin e sulmuesve”, shkruan “haberler.com”.
Fenerbahçe ka mbetur në hije të Galatasarayt në vjetët e fundit, ndërsa tifozët e zjarrtë të kësaj skuadre presin shumë nga zgjedhjet që do të mbahen në fillim të qershorit.
Muriqi ka shkëlqyer për Mallorcan në La Liga, duke i realizuar 22 gola.
Yildirim ka drejtuar më herët Fenerbahçen dhe ishte president i suksesshëm.
Artikuj të ngjashëm
-
Muriqi, transferimi i parë i presidentit të ri të Fenerbahçes – vendoset dëmshpërblimi
-
Yildirim president i Fenerbahçes, transferimi i Muriqit drejt realizimit
-
Kandidati për president të Fenerbahçes premton transferimin e Muriqit
-
Hurriyet: Vedat Muriqi te Fenerbahçe, marrëveshja është arritur!
-
Fenerbahçe kërkon që Vedat Muriqi të luajë si vendor në Turqi