Juventusi është i interesuar që ta kthejë në skuadër sulmuesin e Liverpoolit, Federico Chiesa.
Juve po përgatit një ofertë zyrtare për Chiesan, për huazim deri në fund të këtij edicioni, duke përfshirë opsionin e detyrimit të blerjes së kartonit.
Kështu kanë shkruar të hënën mediumet italiane.
Sulmuesi italian, Chiesa, pikërisht nga Juve në verën e vitit 2024 iu bashkua Liverpoolit për 12 milionë euro.
Chiesa është i hapur për një kthim në Torino. Por marrëveshja mes dy klubeve nuk pritet të realizohet lehtë.
“Të Kuqtë” nuk dëshirojnë që ta largojnë Chiesan në afatin kalimtar dimëror.
Edhe
Chiesa: Juventusi është në zemrën time
Juve ende nuk ka arritur marrëveshje me Chiesan për kushtet financiare. Java e ardhshme pritet të jetë vendimtare për çdo lëvizje të mundshme të sulmuesit të krahut të djathtë.
28-vjeçari me Liverpoolin i ka shënuar dy gola dhe ka bërë tri asistime në 20 paraqitje në të gjitha garat e edicionit aktual.
