Mesfushori i Club Brugges, Ardon Jashari, ka fituar disa çmime në ditët e fundit.
Të mërkurën e fitoi një tjetër çmimi, tani me votat e tifozëve të skuadrës belge.
Jashari është zgjedhur si lojtari më i mirë i vitit te Club Brugge.
Plot 69.9 për qind të tifozëve kanë votuar për mesfushorin që përfaqëson Zvicrën.
Hans Vanaken përfundoi i dyti me distancë të konsiderueshme, afro 10 për qind.
Edhe
Jashari nuk përjashton kthimin te Brugge
Në top pesëshe kanë hyrë edhe Brandon Mechele, Christos Tzolis dhe Romeo Vermant.
“Mesfushori i Zvicrës ishte i domosdoshëm për mesfushën e Brugges. Ai bëri pasime, mbylli hapësirat dhe u bë balancimi i mbrojtjes me sulmin”, ka shkruar klubi belg duke e përgëzuar Jasharin për paraqitjet.
Në javën e kaluar, Jashari e fitoi edhe trofeun e lojtarit më të mirë të sezonit në elitën e futbollit të Belgjikës.
Më pas u shpall edhe lojtari më premtues.
Edhe
E diela e veçantë e Ardon Jasharit
“Dua t’i falënderoj të gjithë ata që më votuan. Jam shumë i lumtur. Kjo do të thotë shumë për mua. Shihemi së shpejti”, ka deklaruar Jashari të mërkurën në videon e publikuar nga klubi belg.
Jashari aktualisht është me Përfaqësuesen e Zvicrës që do të luajë dy miqësore në këtë muaj, ndaj Meksikës më 7 qershor, dhe me 11 qershor ndaj Shteteve të Bashkuara të Amerikës.
