Pritjes së gjatë, prej plot 22 vjetësh, i erdhi fundi. Arsenali është kampion i Anglisë në futboll. Titullin e 14-të, të parin që nga viti 2004, skuadra e Arsenalit e siguroi të martën mbrëma.
Barazimi 1:1 i Manchester Cityt me Bournemouthin bëri që Arsenali të shpallet kampion i Premier Leagues. Një xhiro para fundit, Arsenali i ka 82 pikë, katër më shumë se Manchester City.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKështu xhiroja e fundit do të jetë festive për Arsenalin dhe e ndarjes me trajnerin Pep Guardiola për Manchester Cityn. City këtë edicion ka fituar Kupën FA dhe Kupën e Ligës. Por trofeu kryesor i Anglisë i takon Arsenalit, që po ashtu në fund të muajit do të luajë në finale të Ligës së Kampionëve.
Arsenali në vjetët e fundit ishte në garë për titull, por mbeti për pak prapa. Këtë edicion skuadra e Mikel Artetas ka kryesuar shumicën e kohës. Në pranverë pati rënie të formës dhe kjo i mundësoi Manchester Cityt që të futej në garë për titull.
Pas humbjes nga Manchester City më 19 prill, “topçinjtë” shënuan fitore ndaj Newcastle Unitedit, Fulhamit, West Hamit dhe të hënën mbrëma edhe ndaj Burnleyt, për të siguruar titullin që tifozët e Arsenalit e kanë pritur gjatë.
Golin për Bournemouthin ndaj Cityt e shënoi Eli Junior Kroupi në minutën e 38-të. Skuadra e Guardiolas nuk ndali përpjekjet për barazim dhe atë e arriti në minutë e katërt shtesë, kur Erling Haaland realizoi supergol. Por City nuk kishte kohë më.
Në xhiron e fundit të Premier Leagues, të dielën nga ora 17:00, Arsenali luan në udhëtim ndaj Crystal Palace, ndërsa Manchester City e pret Aston Villan.
Arsenali tani i ka 14 tituj të kampionit. Vetëm Liverpooli e Manchester Unitedi kanë më shumë tituj të Anglisë – nga 20. Manchester City mbetet me 10 tituj të kampionit.
Xhaka uron menjëherë Arsenalin për titullin e kampionit
Mesfushori Granit Xhaka e ka uruar menjëherë Arsenalin për titullin e kampionit. Ish-kapiteni i Arsenalit ka publikuar një fotografi duke u përqafuar me trajnerin Mikel Arteta. Madje Xhaka e vlerëson Artetan meritor për titull të kampionit, që Arsenali e priti plot 22 vjet.
“Një ekip i veçantë, lojtarë të shkëlqyer dhe një klub që asnjëherë nuk është ndalur duke besuar. Por kjo është për shkakun tënd, Mikel. Për të gjithë ata që dyshuan, jepjani këtij njeriu dhe këtij trajneri respektin që meriton. Urime për të gjithë familjen Arsenal”, ka shkruar Xhaka.
Ai luajti për Arsenalin nga viti 2016 deri në vitin 2013. Fitoi trofe, por jo Premier Leaguen.