Florian Haxha nuk do të jetë në gjendje t’i ndihmojë Përfaqësueses së Kosovës për dy ndeshjet e këtij muaji.
Haxha për shkak të gjendjes shëndetësore nuk do të jetë pjesë e grumbullimit me Kosovën.
Këtë e bëri të ditur të martën Federata e Futbollit të Kosovës.
“Mesfushori i djathtë i skuadrës polake, Motor Lublin, Florian Haxha nuk do të jetë pjesë e grumbullimit të Kombëtares së Kosovës për dy ndeshjet e këtij muaji kundër Sllovenisë dhe Suedisë për shkak të gjendjes shëndetësore”, ka shkruar FFK-ja.
23-vjeçari Haxha me skuadrën e Motor Lublinit këtë edicion ka zhvilluar tri ndeshje.
Me Përfaqësuesen e Kosovës ka dy ndeshje të zhvilluara.