Skuadra e Fulhamit është kthyer te fitorja në Premier League pas dy disfatave radhazi.
Fulhami të dielën fitoi 3:2 ndaj Brentfordit në udhëtim. Kjo ndeshje i takoi xhiros së parafundit në elitën e futbollit anglez.
Raul Jimenez i kaloi në epërsi mysafirët në minutën e 16-të. Gjashtë minuta më pas, vendësit i barazuan shifrat me golin që e realizoi Bryan Mbeumo.
Yoane Wissa në minutën e 43-të shënoi për 2:1 në të mirë të Brentfordit.
Fulhami e barazoi rezultatin në 2:2 fal golit që e shënoi Tom Cairney në minutën e 68-të. Dy minuta më pas, Harry Wilson, e realizoi golin e fitores për 3:2.
Për Brentfordin kjo ishte humbja e parë pas katër fitoreve radhazi.
Fulhami ka 54 pikë dhe e zë vendin e dhjetë. Një pikë më shumë e ka Brentfordi në pozitën e tetë. Deri në fund të kampionatit ka mbetur edhe një xhiro.
Fulhami në xhiron e fundit e pret Manchester Cityn kurse Brentfordi luan në udhëtim te Wolverhamptoni.
