Lindon Emërllahu e Edon Zhegrova i kanë fituar çmimet kryesore për vitin 2024 në futbollin kosovar.
Mesfushori i Ballkanit, Lindon Emërllahu, është shpallur futbollist i vitit, ndërkohë që Edon Zhegrova e fitoi çmimin “Fadil Vokrri” që i ndahet lojtarit më të mirë të përfaqësueses. Emërllahu ka ndihmuar Ballkanin që ta fitojë titullin e kampionit dhe Kupën e Kosovës. Në vjeshtë është ftuar dhe ka luajtur për Kosovën.
Lojtari më i mirë është zgjedhur me votat e gazetarëve sportivë. 22-vjeçari ka disa vjet që shquhet me paraqitje. Vitin e kaluar e kishte një lëndim të rëndë, ndërsa është kthyer në shkurt.
“E falënderoj Federatën e Futbollit të Kosovës për këtë çmim. Për mua është nder dhe privilegj. Çmimi shkon për familjen time, që më ka qëndruar afër si në ditë të mira e të vështira. Falënderoj edhe klubin e Ballkanit dhe bashkëlojtarët, sepse pa ta do të ishte e pamundur”, ka thënë Emërllahu.
Ndërkohë formacioni më i mirë i vitit në futbollin kosovar është zgjedhur me votat e trajnerëve të Superligës.
Në portë është përzgjedhur Faton Maloku i Dritës. Besnik Krasniqi i Dritës, Ilir Krasniqi që luajti për Llapin, Lumbardh Dellova që ishte te Ballkani dhe Arlind Veliu i Malishevës kanë zënë vend në mbrojtje.
Edhe
FFK-ja shpall më të mirët më 21 dhjetor
Mesfusha përbëhet nga Drilon Hazrollaj i Malishevës, Albert Dabiqaj i Dritës,, Lindon Emërllahu e Almir Ajzeraj i Dritës.
Në sulm, sipas votave të trajnerëve, janë përzgjedhur Muhamet Hyseni që luajti për Llapin dhe Mevlan Zeka i Suharekës.
Hazrollaj është golashënuesi më i mirë i vitit me 23 gola.
Prej çmimeve më të rëndësishme është ai “Fadil Vokrri”, që i ndahet lojtarit më të mirë të përfaqësueses. Këtë vit ka shkëlqyer Edon Zhegrova. Ai u paraqit në nivel të lartë sidomos në Ligën e Kampionëve me Lillen. Ndaj Real Madridit ishte lojtar i ndeshjes. Sulmuesi i krahut ka pasur paraqitje të mira edhe në Ligue 1 të Francës dhe me Kosovën.
“Ndihem shumë i lumtur për çmimin e po ashtu që e mban emrin e legjendës Fadil Vokrri. Shpresoj se viti 2025 do të jetë edhe më i suksesshëm. Shpresoj të arrijmë qëllimet me Kosovën dhe me klub. Me Kosovën shpresoj të arrijmë synimet bashkë me trajnerin Franco Foda dhe bashkëlojtarët”, ka thënë Zhegrova.
Klubi më i mirë i vitit u shpall ai kampion, Ballkani. Ilir Daja, që udhëhoqi Ballkanin drejt titullit, u shpall trajner i vitit. Daja tashmë është te Dinamo e Tiranës. Drita e Gjilanit është shpallur klubi më ferplej, derisa Visar Kastrati u shpall arbitri më i mirë i vitit.
Albulena Fejza e Mitrovicës u shpall futbollistja më e mirë e vitit. Mitrovica është shpallur klubi më i mirë i vitit në futbollin e femrave. Ky klub fitoi titullin e kampionit dhe Kupën e Kosovës.
Në futsal, klubi më i mirë është Prishtina 01, ndërsa Drilon Maxharraj lojtari më i mirë.
Në ceremoninë e mbajtur të premten mbrëma, FFK-ja ka ndarë edhe shumë çmime e mirënjohje të tjera.
Përgatiti: Endrit Makolli
Emërllahu, futbollisti i vitit 2024
Mesfushori i Ballkanit, Lindon Emërllahu, është shpallur futbollisti më i mirë në Kosovë për vitin 2024.
Emërllahu ka ndihmuar Ballkanin të fitojë titullin e kampionit dhe Kupën e Kosovës në futboll.
Emërllahu ia ka kushtuar çmimin familjes dhe klubit Ballkani.
Formacioni i vitit, Hyseni e Zeka në sulm
Është zbuluar edhe formacioni më i mirë i futbollit kosovar për vitin 2024.
Formacioni më i mirë është zgjedhur me votat e trajnerëve të Superligës.
Në portë është përzgjedhur Faton Maloku i Dritës.
Besnik Krasniqi, Ilir Krasniqi, Lumbardh Dellova e Arlind Veliu kanë zënë vend në mbrojtje.
Mesfusha përbëhet nga Drilon Hazrollaj, Albert Dabiqaj, Lindon Emërllahu e Almir Ajzeraj.
Në sulm, sipas votave të trajnerëve, më të mirët ishin Muhamet Hyseni e Mevlan Zeka.
Edon Zhegrova e fiton çmimin “Fadil Vokrri”
Sulmuesi i krahut, Edon Zhegrova, e ka fituar çmimin “Fadil Vokrri”, që i ndahet futbollistit më të mirë të përfaqësueses.
“Ndihem shumë i lumtur për çmimin e po ashtu që e mban emrin e legjendës Fadil Vokrri. Shpresoj se viti 2025 do të jetë edhe më i suksesshëm. Shpresoj të arrijmë qëllimet me Kosovën dhe me klub. Me Kosovën shpresoj të arrijmë synimet bashkë me trajnerin Franco Foda dhe bashkëlojtarët”, ka thënë Zhegrova.
Edhe
Emërllahu prezantohet te klubi i ri, rritet “kolonia” e Kosovës në Ukrainë
Ai ka shkëlqyer te Lille, sidomos në Ligën e Kampionëve.
Hazrollaj, golashënuesi më i mirë i vitit
Sulmuesi i Malishevës, Drilon Hazrollaj, është shpallur golashënuesi më i mirë i vitit 2024 në futbollin kosovar.
Ai i ka shënuar 23 gola gjatë këtij viti.
Ballkani, klubi më i mirë i vitit
Kampioni në fuqi, Ballkani, është shpallur klubi më i mirë i futbollit në Kosovë për vitin 2024.
Ndërkohë trajner i vitit 2024 është shpallur Ilir Daja. Ai udhëhoqi Ballkanin drejt titullit të kampionit. Tashmë e drejton Dinamon e Tiranës.
Drita, klubi më korrekt i vitit
Ballkani ka fituar titullin e kampionit dhe Kupën e Kosovës.
Drita e Gjilanit është shpallur klubi më ferplej në futbollin kosovar për vitin 2024.
Lojtarët e Dritës nuk kanë pranuar asnjë karton të kuq direkt dhe kjo ka bërë dallimin.
Kastrati, arbitri më i mirë për vitin 2024
Visar Kastrati është shpallur arbitri më i mirë i futbollit për vitin 2024 në Kosovë.
Kastrati pos në Superligë, drejton ndeshje edhe në garat evropiane.
“E falënderoj FFK-në, përkatësisht Komisionin e Gjyqtarëve për çmimin. Do të vazhdojmë me punë të mirë. Puna e gjyqtarit është ekipore dhe këtë çmim e ndaj me kolegët e mi gjyqtarë”, ka thënë Kastrati.
Prishtina 01 klubi më i mirë në futsal, Maxharraj lojtari më i mirë
Prishtina 01 është shpallur klubi më i mirë i futsalit në Kosovë për vitin 2024. Prishtina 01 është klub kampion, ndërsa ka pasur sukses edhe në skenën evropiane.
Ndërkohë Drilon Maxharraj është shpallur lojtari më i mirë i futsalit.
Albulena Fejza, futbollistja më e mirë e vitit
Albulena Fejza është shpallur futbollistja më e mirë në Kosovë për vitin 2024.
Ajo luan për klubin Mitrovica.
“E falënderoj FFK-në që më zgjodhi lojtare të vitit. E falënderoj edhe klubin Mitrovica dhe familjen që më ka përkrahur në këtë rrugëtim”, ka thënë Fejza.
Mitrovica, klubi më i mirë i futbollisteve
Mitrovica është shpallur klubi më i mirë i vitit 2024 në futbollin e femrave në Kosovë.
Edhe
Si mbetën golashënuesi më i mirë dhe Prishtina jashtë formacionit të vitit
Ceremonia e shpalljes së më të mirëve është duke u mbajtur në afërsi të Prishtinës.
Mitrovica ka fituar titullin e kampionit dhe Kupën e Kosovës.
