Të tjera akuza janë bërë ndaj kreut të FIFA-s, Gianni Infantino, i cili është në presion të madh dhe kërkohet dorëheqja e tij.
Manchester City u shpall fajtor nga Premier League ditë më parë për thyerje të rregullave financiare.
Me të njëjtat akuza tani ka nisur të ngarkohet edhe Paris Saint-Germaini. Por, pas gjithë këtyre ngjarjeve me dy klubet, i përfshirë është Gianni Infantino.
Kështu ka shkruar hakeri Rui Pinto, që i siguroi shumë “emaila” që dëshmuan parregullsitë.
Ai ka thënë se presidenti aktual i FIFA-s, Infantino, i ka mbrojtur vazhdimisht të dyja klubet nga dënimet e ashpra në vitin 2014, kur ishte sekretar i përgjithshëm i UEFA-s.
Pinto ka thënë se u ka dhënë informata të fshehta të dyja klubeve.
Akuzat e reja të Pintos kundër Infantinos janë pjesë e një debati të gjerë se si futbolli evropian bën marrëveshje të parregullta financiare.