Borussia Dortmundi e ka fituar derbin e xhiros së 12-të të Bundesligës gjermane.
Dortmundi e mposhti 2:1 Bayer Leverkusenin të shtunën në udhëtim.
Për Dortmundin ishte fitorja e parë pas dy barazimeve radhazi në elitë
Ndërkohë për Leverkusenin ishte disfata e parë pas katër fitoreve radhazi në të gjitha garat.
Mbrojtësi nga Argjentina, Aaron Anselmino, shënoi për 1:0 në minutën e 41-të.
Golin e dytë për “verdhezinjtë” e realizoi Karim Adeyemi në minutën e 65-të.
Ndërsa realizatori i golit të vetëm për Leverkusenin ishte Christian Michel Kofane në minutën e 83-të.
Dortmundi ka 25 pikë dhe e zë vendin e tretë. Leverkuseni ka dy pikë më pak dhe renditet një pozitë më poshtë.
RB Leipzigu është në vendin e dytë me 26 pikë. Lider është Bayern Muncheni me 34 pikë.