Talenti 17-vjeçar nga Barileva e Prishtinës, Hasan Deshishku, ka pësuar humbje në finale të Kampionatit Botëror për grupmoshën U17 me Austrinë.
Austria humbi në finale nga Portugalia.
Ndeshja u zhvillua në “Khalifa International Stadium” në Al Rayyan të Katarit, ndërsa u fitua nga portugezët 1:0.
Anisio Cabral i Benficas e shënoi golin e fitores në minutën e 32-të. Ishte goli i shtatë në këtë turne për qendërsulmuesin e Portugalisë.
Deshishku, që luan për të rinjtë e Austria Vjenës, e kompletoi ndeshjen. Ai e mbylli Botërorin me katër gola në total.
Për Portugalinë ishte titulli i parë dhe u fitua në edicionin e 20-të të organizuar nga FIFA.
Edhe
Deshishku me Austrinë U17 në finale të botërorit
Në Doha të Katarit më herët gjatë ditës së enjte, portieri Alessandro Longoni i priti dy penallti dhe ia siguroi Italisë vendin e tretë në Botëror.
Italia e mposhti Brazilin 4:2 në ekzekutimin e penalltive. Koha e rregullt u mbyll pa gola.
