Dani Carvajal mund të largohet nga skuadra e Real Madridit në verë, kur edhe i skadon kontrata. Kështu kanë shkruar të martën mediumet spanjolle.
Mësohet se Reali po mendon që mos t’i ofrojë spanjollit mundësinë e vazhdimit të kontratës.
Aktualisht Carvajal i ka ftohur marrëdhëniet me trajnerin e Realit, Alvaro Arbeloa. Ai e ka lënë në stol në disa ndeshje Carvajalin. Kjo situatë nuk është duke i pëlqyer mbrojtësit të krahut.
34-vjeçari është kapiten i Realit.
Carvajal gjithë karrierën e ka kaluar në klubin mbretëror. Për një edicion ishte i huazuar te Bayer Leverkuseni. Kohët e fundit ka pasur shumë probleme me lëndime.
Në total me “Los Blancos” ka zhvilluar 438 ndeshje duke kontribuar me 14 gola dhe 65 asistime. Ka të fituar plot 26 trofe.