Mesfushori i Barcelonës, Marc Casado, ka impresionuar me ndeshjet që i ka zhvilluar këtë edicion. Ai ka luajtur në 15 ndeshje dhe ka kontribuar me pesë asistime.
Kjo formë e ka befasuar edhe legjendën e Barcelonës, Sergio Busquets.
“Casado na befasoi shumë. Rritja, zhvillimi i tij ka qenë i jashtëzakonshëm. E njoh prej kohësh. Ai është një lojtar shumë i mirë. Ai bën asistime, nuk e humb topin dhe gjithmonë merr vendimet e duhura”, ka thënë Busquets, shkruan të martën “Marca”.
Casado nga shumë tifozë po shihet si zëvendësuesi ideal i Busquetsit te Barça.
36-vjeçari Busquets u largua nga Barça në vitin e kaluar pas 15 vjetësh qëndrimi.
Casado u ftua për herë të parë te Përfaqësuesja e Spanjës për ndeshjet e Ligës së Kombeve.
