Beshiktashi nuk ka hequr dorë nga transferimi i mesfushorit të Kosovës, Elvis Rexhbeçaj.
Drejtuesit e klubit turk kanë planifikuar që të udhëtojnë për në Gjermani për t’i filluar negociatat zyrtare me Augsburgun për Rexhbeçajn.
Kështu kanë raportuar të martën media turke.
Augsburgu i ka ofruar Rexhbeçajt mundësinë për ta rinovuar kontratën, por mesfushori me tipare defensive ende nuk ka dhënë përgjigje.
Rexhbeçaj shihet si zëvendësuesi i Moatasem Al-Musratit i cili u largua nga Beshiktashi për t’u transferuar te Monaco.
Augsburgu do ta lejojë shitjen e Rexhbeçajt nëse reprezentuesi i Kosovës nuk e vazhdon kontratën.
Përveç Beshiktashit për Rexhbeçajn kanë shprehur interesim edhe Rangersi, Parma dhe disa klube nga Premier League.
27-vjeçari Rexhbeçaj në edicionin 2024/25 luajti në 31 ndeshje. Shënoi dy gola dhe bërë një asistim. Ai me Augsburgun ka kontratë edhe një vit.
Pjesë e klubit gjerman është nga viti 2022. Ai u transferua nga Wolfsburgu për një milion euro.
