Augsburgu është në kërkim të një futbollisti për ta përforcuar fazën sulmuese, ndërsa në krye të listës është Mërgim Berisha, që më parë ka luajtur te kjo skuadër.
“Sky Sport” i Gjermanisë ka raportuar të premten se Augsburgu e mendon rikthimin e 26-vjeçarit në formë huazimi, me të drejtë blerjeje në fund të edicionit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAugsburgu ka nisur tashmë bisedimet për të.
Do të ishte rikthim për Berishën tek Augsburgu, skuadër me të cilën në edicionin 2022/2023, kishte shënuar nëntë gola e kishte dhuruar katër asistime.
Për Berishën interesim kanë shprehur edhe Torino dhe Werder Bremeni.
Berisha është zhvilluar si futbollist te Salzburgu austriak, ndërsa karrierë ka bërë edhe te LASK-u, Magdeburgu, Altachu e Fenerbahçe.
Nga Augsburgu në gusht të vitit 2023, ai ishte transferuar te Hoffenheimi për 14 milionë euro.
Tek Augsburgu prej vitit 2022 luan edhe mesfushori i Kosovës, Elvis Rexhbeçaj.
Berisha ka luajtur për U21 të Gjermanisë në 13 ndeshje, ndërsa për ekipin senior të Gjermanisë ka dy paraqitje në miqësore.