Bayern Munichu kërkon ta vazhdojë serinë e mirë të rezultateve edhe këtë fundjavë.
Bayerni të shtunën nga ora 18:30 luan në udhëtim tek Augsburgu. Kjo ndeshje i takon javës së dytë të Bundesligës gjermane.
Bavarezët pritet të kenë punë të vështirë ndaj Augsburgut.
Bayerni e filloi me fitore mbrojtjen e titullit javën e kaluar, duke e mposhtur në shtëpi RB Leipzigun me rezultatin e thellë 6:0.
Ndërkohë edhe Augsburgu e nisi me fitore edicionin e ri. E mposhti Freiburgun në udhëtim me rezultatin 3:1.
Bayerni të mërkurën në kuadër të raundit të parë të Kupës së Gjermanisë e eliminoi skuadrën që garon në Bundesliga 3 të Gjermanisë, Wehen me rezultatin 3:2.
Klubi, që për trajner e ka Vincent Kompanyn, më 16 gusht e fitoi Superkupën duke e mposhtur në finale Stuttgartin me rezultatin 2:1.
Të shtunën luan edhe nënkampioni gjerman, Bayer Leverkuseni. Nga ora 15:30, Leverkuseni luan si mysafir i Werder Bremenit.
Skuadra që drejtohet nga trajneri Erik ten Hag u befasua në xhiron e parë duke u mposhtur në shtëpi nga Hoffenheimi me rezultatin 2:1.
Në këtë fitore të Hoffenheimit me gol dhe me asistim kontribuoi sulmuesi kosovar, Fisnik Asllani.
Borussia Dortmundi të dielën nga ora 17:30 luan në shtëpi me Union Berlinin.
Dortmundi në xhiron e parë barazoi 3:3 me St. Paulin.