Skuadra e Barcelonës të enjten pas fitores ndaj Espanyolit e siguroi titullin në kampionatin spanjoll. Barcelona fitoi 2:0 dhe u konfirmua si kampione e këtij edicioni në La Liga, dy xhiro para fundit.
Barça të dielën nga ora 19:00 e pret Villarrealin në ndeshjen që i takon javës së parafundit.
Të gjitha ndeshjet që i takojnë xhiros së 37-të do të luhen të dielën nga ora 19:00.
Pikërisht të dielën do të bëhet edhe ngritja e trofeut në stadiumin “Estadi Olimpic Lluis Companys”. Festa veç se ka filluar te skuadra e Barçës.
Barça pos La Ligas e ka fituar edhe Kupën e Mbretit dhe Superkupën e Spanjës.
Gjiganti katalunas e mban pozitën e parë me 85 pikë. Villarreali e zë vendin e pestë me 64 pikë.
Real Madridi është në vendin e dytë me 78 pikë. Reali do ta mbyllë edicionin pa trofe të fituar.
Reali do të luajë në udhëtim te Sevilla. Sevilla renditet në pozitën e 14-të me 41 pikë.
Ndërkohë Atletico Madridi e pret Real Betisin. Kjo ndeshje do të jetë mjaft interesante.
Atletico e zë vendin e tretë me 70 pikë. Betisi renditet në pozitën e gjashtë me 59 pikë. Kjo pozitë dërgon në Ligën e Evropës në edicionin e ardhshëm kurse pesë pozitat e parë sigurojnë “Championsin”.
