Elfsborgu suedez ka shënuar fitore të madhe në Ligën e Evropës, ndërsa gjurmë ka lënë Besfort Zeneli, vëllai i vogël i Arbër Zenelit.
Besforti asistoi në golin e vetëm të ndeshjes, të cilin e shënoi Ahmed Qasem.
Ky gol i minutës së 57-të e vendosi sfidën dhe Elfsborgu fitoi ndaj Qarabagut të Azerbajxhanit, 1:0.
Ndeshja i takoi xhiros së gjashtë.
Besforti e kompletoi ndeshjen, ndërsa Arbëri luajti deri në minutën e 70-të te vendësit.
Elfsborgu ka shtatë pikë dhe ka gjasa për të avancuar në fazën nokaut.
Qarabagu mbetet me tri pikë.
