Komiteti Ekzekutiv i Federatës Shqiptare të Futbollit (FSHF), ka caktuar datën e Asamblesë së Përgjithshme të Zakonshme Zgjedhore.
Zgjedhjet për mandatin 4-vjeçar në FSHF do të mbahen më 16 shkurt nga ora 10:00 në Shtëpinë e Futbollit.
“Gjatë Asamblesë do të zgjidhen Presidenti dhe anëtarët e Komitetit Ekzekutiv të FSHF për mandatin katërvjeçar. Procesi zgjedhor do të zhvillohet në përputhje të plotë me dispozitat statutore dhe rregulloret në fuqi”, shkruan në njoftimin e FSHF-së.
Nga viti 2002 FSHF-ja udhëhiqet nga Armand Duka.
Ai fitoi besimin e delegatëve të FSHF-së edhe pesë herë tjera.