“Rinoqeronti” si thirrje për shoqërinë e hutuar

Dilema e shoqërisë dhe heshtja në raport me të keqën shpaloset në hapësirën e rrethuar me shirit të verdhë që paralajmëron rrezikun.

Kjo skenë është pjesë e shfaqjes “Rinoqeronti”, që u dha premierë në skenën e vogël të Teatrit Kombëtar të Kosovës.

E konsideruar si thirrje për shoqërinë e hutuar që të reagojë ndaj padrejtësive, shfaqja me regji të Gëzim Hasanit, për afro një orë e gjysmë ka trajtuar problemet esenciale të njerëzve në llojet e diktaturave.

Shfaqja është me tekst të dramaturgut Eugene Ionesco dhe regjisori thotë se e ka përshtatur me situatën që është prodhuar gjatë dy dekadave në Kosovë.

Njomza Tmava, Qëndresa Jashari, Blerta Gubetini, Allmir Suhadolli, Florieta Bajraktari dhe Dora Xhemajli janë aktorët që portretizojnë rolet e dramës.

“Rinoqeronti” u shfaq në skenën e vogël të Teatrit Kombëtar të Kosovës.