Në kushte pandemie, me publik të pazakonshëm, “Nata e Modës në Prishtinë” e vazhdoi traditën edhe këtë sezon.
Para arushëve që zëvendësuan njerëzit, kreacione të disenjatorëve të ndryshëm u shpalosën në këtë pistë. Veshjet e prezantuara në ngjarjen kryesore të modës në kryeqytet janë realizuar kryesisht gjatë periudhës së pandemisë, raporton KOHA.
Në këtë edicion, fokusi i disenjatorëve ishte te veshjet e përditshme të cilat janë bërë më të kërkuara për shkak të situatës me koronavirusin.
Pjesë e “Prishtina Fashion Night” ishin edhe kreacionet e disenjatorëve të rinj nga Akademia “Evolucion”.
Për disenjatoren Orhidea Berisha, koha e izolimit dhe përditshmëria gjatë pandemisë ishte inspiruese që ta finalizonte një koleksion të tërë me veshje.
Edhe
“Prishtina Fashion Night” me kreacione të veçanta
Edhe pse e ndryshoi rrjedhën e organizimit, pandemia nuk shfaqi problem për mbajtjen e edicionit të 17-të të ngjarjes së vetme të modës në vend.
Nata e modës në kryeqytet gërshetoi tradicionalen dhe modernen, në një ceremoni kreative që nuk është parë më herët.
