Libër ilustrimi për Prishtinën

Përmes këtij libri secili mund t’i japë ngjyra Prishtinës.

Driton Goleshi dhe Lyra Pallaska kanë punuar këtë libër si një udhëtim nëpër vendet më të rëndësishme të kryeqytetit.

Ilustrimeve ua kanë bashkëngjitur edhe një përshkrim të shkurtër për historikun e objekteve të paraqitura, raporton KOHA.

Driton Goleshi çdo ditë sjell personazhe të ilustruara në 2 cm.

Nëpërmjet këtyre ilustrimeve e kartolinave, ata vendosin përditshmërinë e tyre dhe të të tjerëve. Zanafilla e tyre lidhet edhe me historinë e tyre të dashurisë.

Libri “Të ngjyrosësh Prishtinën” është përkrahur nga Komuna e Prishtinës dhe u është shpërndarë fëmijëve të kryeqytetit.