Kryeministri Albin Kurti do të jetë në stadiumin e Hamburgut për ta përcjellë nga afër ndeshjen e “Euro 2024” mes Shqipërisë dhe Kroacisë, e cila luhet sot nga ora 15:00.
Në një njoftim nga Kryeministria të mërkurën është konfirmuar se Kurti do ta ndjekë nga afër Kombëtaren e Shqipërisë.
Sipas njoftimit, ai po qëndron në Hamburg me ftesë të të dërguarit gjerman për Ballkanin Perëndimor, Manuel Sarrazin.
Bashkë me Sarrazinin, Kurti do ta vizitojë portin e Hamburgut “për të parë nga afër Sistemin e Skanimit të Ngarkesave me Rreze X në port”.
“Për të vazhduar më pas edhe në stadiumin e Hamburgut në mbështetje të kombëtares shqiptare sot në përballje me Kroacinë, në kuadër të EURO2024”, thuhet në njoftim.
Kurti është takuar edhe me bashkatdhetarë.
Artikuj të ngjashëm
-
Kurti takon Plenkoviqin, theksohet nevoja për forcim të aleancave dhe koordinim politik
-
Kurti në Armeni, merr pjesë në Samitin e Komunitetit Politik Evropian
-
Kurti viziton Përfaqësuesen para finales me Turqinë: Pas jush është një komb i tërë
-
Kurti: Urime Kosovë! Kampionati Botëror kurrë s’ka qenë më afër
-
Kurti për barazimin e Shqipërisë me Serbinë: Të pakënaqur me rezultatin, por jo me kombëtaren