Zelensky urdhëron spastrimin e gardës shtetërore pas komploteve të dyshuara për vrasje

Presidenti i Ukrainës, Volodymyr Zelensky e ka urdhëruar shefin e ri të shërbimit të gardës shtetërore të Ukrainës që të pastrojë radhët e saj nga njerëzit që e diskreditojnë atë, pasi dy oficerë të saj ishin akuzuar për komplot për të vrarë zyrtarë të lartë.

Shërbimi i Sigurisë Shtetërore (SBU) ka thënë muajin e kaluar se kishte kapur dy pjesëtarë të shërbimit të rojës të akuzuar për bashkëpunim me Rusinë për të komplotuar vrasjen e Zelenskyt dhe zyrtarëve të tjerë, duke përfshirë shefin e inteligjencës ushtarake, Kyrylo Budanov. Shërbimi i rojës ofron siguri për zyrtarë të ndryshëm të qeverisë, raporton The Guardian.

Vrasja e Zelenskyt ishte menduar si një "dhuratë" për Vladimir Putin, presidentin rus, inaugurimi i të cilit u bë në Kremlin muajin e kaluar për herë të pestë, ka deklaruar SBU-ja. 

Duke prezantuar Kolonelin Oleksiy Morozov para stafit të hënën, Zelensky ka thënë  se objektivi i tij kryesor ishte të siguronte që vetëm ata që e shohin të ardhmen e tyre të lidhur me Ukrainën t'i bashkohen agjencisë.

"Dhe, sigurisht, agjencia duhet të pastrohet nga kushdo që nuk zgjedh Ukrainën për vete ose diskrediton shërbimin e rojeve shtetërore”, ka shkruar ai në Telegram.

Zelensky shkarkoi paraardhësin e Morozov, Serhiy Rud në maj, dy ditë pasi SBU-ja arrestoi punonjës të agjencisë për të cilët tha se punonin për Shërbimin Federal të Sigurisë të Rusisë dhe zbuluan informacione të klasifikuara.