Presidenti i Ukrainës, Volodymyr Zelensky, ka përsëritur thirrjet për një paqe të qëndrueshme me Rusinë, duke kërkuar ndihmën e Shteteve të Bashkuara të Amerikës (SHBA) dhe të Evropës, që kjo të arrihet me garanci.
Ai ka deklaruar se SHBA-ja e ka kapacitetin për të arritur gjëra të jashtëzakonshme, “gjëra që të tjerët nuk kanë mundur t’i arrijnë”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Për të pasur sukses në përfundimin e kësaj lufte, ne kemi nevojë për unitet – unitetin e Amerikës, Evropës dhe të gjithëve në botë që vlerësojnë sigurinë – si dhe pozita të forta dhe garanci për paqen. I thashë presidentit Trump se Putini i frikësohet vetëm atij dhe, ndoshta, Kinës”, ka shkruar të martën në rrjetin social X, derisa komentoi takimin në Paris me presidentin e zgjedhur amerikan, Donald Trump dhe atë francez, Emmanuel Macron.
Zelensky u shpreh se vetëm vendosmëria “mund ta çojë këtë luftë në një fund të drejt dhe të sigurojë paqe të qëndrueshme”. Presidenti ukrainas kërkoi veprime të menjëhershme për të rivendosur rendin e duhur ndërkombëtar.
Lexo edhe:
“Gjëja më e rëndësishme është të punojmë së bashku se si t'i japim fund kësaj lufte – ky është prioriteti ynë kryesor. Gjatë takimit në Paris, ishte pikërisht ky fokusi ynë dhe ishte një bisedë shumë produktive. Ritheksoj mirënjohjen time për presidentin Macron për organizimin e tij, si dhe mirënjohjen time të thellë për presidentin Trump për vendosmërinë e tij të fortë për ta çuar këtë luftë në një fund të drejtë”, është shprehur ai.
Presidenti Zelensky ka hedhur të hënën idenë që trupat e huaja të vendosen në Ukrainë derisa vendi të bashkohet me aleancën ushtarake të NATO-s.
Ai e bëri komentin gjatë një konference të përbashkët shtypi në Kiev me liderin e opozitës gjermane Friedrich Merz.
“Një kontigjent trupash nga një vend apo një tjetër mund të jetë i pranishëm në Ukrainë për sa kohë që vendi nuk është pjesë e NATO-s. Por për këtë ne duhet ta kemi të qartë se kur Ukraina bëhet anëtare e BE-së dhe kur bëhet anëtare e NATO-s”, ka thënë Zelensky.