I dërguari i Shtëpisë së Bardhë, Steve Witkoff, dhe dhëndri i presidentit të SHBA-së, Donald Trump, Jared Kushner, po kërkojnë të udhëtojnë në Moskë për të takuar presidentin rus, Vladimir Putin, ka raportuar Bloomberg News të mërkurën, duke cituar njerëz të njohur me çështjen.
Takimi mund të ndodhë këtë muaj, megjithëse planet nuk janë përfundimtare dhe koha mund të ndryshojë për shkak të trazirave në Iran, raporton Bloomberg.
Mirëpo një zyrtar i Shtëpisë së Bardhë i ka thënë Bloomberg se një takim i tillë nuk ishte planifikuar aktualisht.
Zyrtarët amerikanë do t'i paraqesin Putinit dhe ekipit të tij draft-propozimet e fundit të paqes, thotë raporti duke shtuar se bisedimet pritej të mbulonin garancitë e sigurisë nga SHBA-ja dhe Evropa për të mbështetur çdo marrëveshje, si dhe rindërtimin e Ukrainës pas luftës.
Kjo vjen pas komenteve të Trumpit në fillim të këtij muaji, duke shprehur zhgënjim me Putinin për luftën e vazhdueshme në Ukrainë, duke përsëritur se fillimisht kishte besuar se përfundimi i konfliktit do të ishte i lehtë.
-
Putini dhe i dërguari i Trumpit drejt bisedimeve vendimtare për Ukrainën në Moskë
-
Një delegacion ukrainas po qëndron në SHBA për të diskutuar fundin e luftës
-
Putini pret sot të dërguarit e Trumpit për të diskutuar për Ukrainën
-
Delegacioni ukrainas mbërrin në SHBA për bisedimet e paqes
-
Zyrtarët amerikanë mbërrijnë në Berlin për bisedimet për Ukrainën