Policia në Slloveni ka nisur hetimet pas zhdukjes së një statuje bronzi të zonjës së parë amerikane, Melania Trump, që u hoq nga qyteti i saj i lindjes.
Skulptura u shpalos më 2020 gjatë mandatit të parë të presidentit Donald Trump, në qytetin Sevnica, ku u lind Melania Knavs më 1970.
Bronzi pati zëvendësuar një statujë druri që ishte djegur më herët po atë vit.
Zëdhënësja e Policisë, Alenka Drenik Rangus, ka thënë se policia është njoftuar të martën për vjedhjen e statujës dhe se po vazhdojnë përpjekjet për të ndriçuar rastin.
Sipas mediave sllovene, statuja u pre te këmbët dhe u hoq.
