Ukraina ndërmori gjatë natës sulme me dronë ndaj disa objektivave në territorin rus, përfshirë një rafineri nafte në rajonin jugor të Krasnodarit, njoftuan autoritetet lokale.
Sulmet janë pjesë e fushatës së vazhdueshme të Kievit kundër infrastrukturës energjetike ruse, e cila ka shkaktuar mungesa të ndjeshme të karburantit në disa rajone të Rusisë, raporton Reuters.
Guvernatori i rajonit të Krasnodarit, Veniamin Kondratjev, bëri të ditur në Telegram se në rafinerinë e qytetit Slavyansk-na-Kubani shpërtheu një zjarr si pasojë e sulmit.
Sipas tij, një person ka vdekur, ndërsa një tjetër mbeti i plagosur në një fshat pranë zonës së goditur.
Rafineria e Slavyanskut është në pronësi private dhe ka një kapacitet përpunimi prej rreth 100 mijë fuçi nafte në ditë. Ajo furnizon me karburant tregun vendas, por edhe eksporton një pjesë të prodhimit.
Ndërkohë, edhe rajoni i Jaroslavlit, në lindje të Moskës, u bë objekt i sulmeve me dronë. Guvernatori i rajonit njoftoi se autoritetet vendosën kufizime të përkohshme në qarkullimin e automjeteve në disa rrugë që të çojnë drejt kryeqytetit rus.
-
Ukraina sulmon Rusinë, të paktën 13 të vdekur e rreth 40 të plagosur
-
Ukraina godet dy rafineri ruse të naftës
-
Ukraina intensifikon sulmet ndaj cisternave të naftës ruse
-
Sulmohet Shën Petersburgu në një sulm të madh me dronë ukrainas
-
Putini e pranon se sulmet ukrainase po shkaktojnë mungesë karburanti në Rusi