Украина изврши напади со беспилотни летала во текот на ноќта врз неколку цели на руска територија, вклучувајќи ја и рафинеријата за нафта во јужниот регион Краснодар, објавија локалните власти.
Нападите се дел од тековната кампања на Киев против руската енергетска инфраструктура, што предизвика значителен недостиг на гориво во некои региони на Русија, објави Ројтерс.
Гувернерот на Краснодарската област, Венијамин Кондратиев, објави на Телеграм дека како резултат на нападот избувнал пожар во рафинеријата во градот Славјанск-на-Кубани.
Според него, едно лице загинало, додека друго е повредено во село во близина на погоденото подрачје.
Рафинеријата во Славјанск е во приватна сопственост и има капацитет за преработка од околу 100 барели нафта дневно. Таа снабдува гориво на домашниот пазар, но и извезува дел од своето производство.
Во меѓувреме, Јарославската област, источно од Москва, беше исто така цел на напади со беспилотни летала. Гувернерот на регионот објави дека властите вовеле привремени ограничувања за сообраќај на возила на некои патишта што водат до руската престолнина.
-
Русија запре сè освен „Фламинго“ - Украина ја нападна Москва со ново оружје
-
Русија ги нападна украинските региони со ракети и беспилотни летала, најмалку пет мртви
-
Стотици дронови ја погодија Москва на последниот ден од гласањето на парламентарните избори во Русија
-
Украина ја нападна Русија со стотици дронови, најмалку шест мртви
-
Украина ја нападна Русија, најмалку 13 мртви и околу 40 повредени