Ukraina është bërë zyrtarisht shteti i 125-të palë në Statutin e Romës të Gjykatës Ndërkombëtare Penale (ICC) më 1 janar.
Një flamur ukrainas u vendos midis flamujve të palëve të tjera shtetërore në ICC-së në Hagë, njoftoi agjencia shtetërore e lajmeve ukrainase Ukrinform.
"Kjo do të thotë se Ukraina është tani një shtet me të drejta të plota në këtë traktat ndërkombëtar dhe ka të gjitha të drejtat dhe detyrimet e caktuara për shtetet palë”, ka thënë për Ukrinform zëdhënësi i ICC, Fadi el-Abdallah.
Parlamenti ukrainas ratifikoi Statutin e Romës në gusht të vitit 2024, 24 vjet që kur Kievi e nënshkroi për herë të parë.
Statuti i Romës është traktati themelues i Gjykatës Ndërkombëtare Penale, dhe i jep asaj juridiksion mbi katër krime, gjenocid, krime kundër njerëzimit, krime lufte dhe krimin e agresionit.
Edhe
Ukraina hap grupin e ri të negociatave për anëtarësim në BE
Me anëtarësimin e Ukrainës, janë bërë 125 shtete që e kanë ratifikuar statutin. Rusia dhe SHBA-ja e nënshkruan traktatin, por më vonë tërhoqën nënshkrimet e tyre.
Si anëtare e ICC nga viti 2025, Ukraina do të ketë të gjitha të drejtat dhe detyrimet e caktuara për shtetet palë.
-
Ukraina dhe Moldavia hyjnë të hënën në fazën e parë të negociatave për anëtarësim në BE
-
Hungaria përmbys vendimin e Orbanit, anulon tërheqjen nga Gjykata Ndërkombëtare Penale
-
KE-ja po e shqyrton mundësinë e anëtarësimit të shpejtë të Ukrainës në BE, por pa të drejta të plota
-
BE-ja vlerëson reformat e Ukrainës në synimin për t’iu bashkuar bllokut