-
Përktheu:
Flutura Gashi-Mehmeti
- 27 maj 2026 17:19
- Shpërndaje në:
Ligjvënësit në Hungari kanë votuar me shumicë dërrmuese që vendi të mbetet anëtar i Gjykatës Ndërkombëtare Penale (ICC), duke përmbysur një vendim të marrë nga qeveria e mëparshme e Viktor Orbanit.
Votimi i së mërkurës ka ardhur vetëm pak ditë përpara se vendi të bëhej i vetmi shtet anëtar i Bashkimit Evropian që nuk do ta njihte juridiksionin e tribunalit global, i cili ndjek penalisht personat e akuzuar për krime lufte, gjenocid dhe krime kundër njerëzimit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë prill të vitit të kaluar, Orbani ka njoftuar se Hungaria do të fillonte procesin e tërheqjes nga ajo që ai e quajti një “gjykatë politike”. Ai i bëri këto komente gjatë pritjes në Budapest të homologut të tij izraelit, Benjamin Netanyahu, një aleat i kahershëm dhe subjekt i një urdhërarresti nga ICC-ja.
Pasi Peter Magyar u zgjodh kryeministër me një fitore bindëse muajin e kaluar, lideri i ri premtoi vazhdimisht se qeveria e tij do ta anulonte tërheqjen para se ajo të hynte në fuqi më 2 qershor.
Të hënën, qeveria e Magyarit paraqiti një projektligj në parlament, duke nisur një procedurë të përshpejtuar që rezultoi me 133 nga 199 ligjvënësit që votuan në favor të projektligjit.
Legjislacioni tani duhet të nënshkruhet dhe të hyjë në fuqi nga presidenti Tamas Sulyok, një i emëruar nga epoka e Orbanit, të cilit Magyari i ka kërkuar vazhdimisht të japë dorëheqjen.
Në fillim të kësaj jave, organi legjislativ i ICC-së përshëndeti planin e Hungarisë për të anuluar tërheqjen, duke e përshkruar atë si “thelbësor” për garantimin e përgjegjshmërisë për krimet më të rënda në botë.
Ky kthim prapa përbën një moment pozitiv për institucionin e goditur nga vështirësitë. Që nga rikthimi i Donald Trumpit në pushtet në SHBA vitin e kaluar, administrata e tij ka punuar vazhdimisht për ta dobësuar gjykatën me seli në Hagë, duke vendosur sanksione ndaj 11 zyrtarëve të saj.
Disa nga gjyqtarët dhe kryeprokurori janë përballur me pasojat, nga anulimi i kartave të kreditit deri te zhdukja e llogarive në Amazon dhe Google, në atë që një gjyqtar e përshkroi si një “sulm të drejtpërdrejtë dhe flagrant” ndaj një prej gjykatave më të njohura në botë.
Prej javësh, Magyari e kishte bërë të qartë se partia e tij Tisza do të punonte për të siguruar që Hungaria, një anëtare themeluese e traktatit të ICC-së, të mos i bashkohej vendeve si Kina, Izraeli, Rusia dhe SHBA-ja, të cilat refuzojnë të njohin juridiksionin e gjykatës.