Presidenti amerikan, Donald Trump, ka thënë se për “pjesën më të madhe, ekziston konsensus” se si do të funksionojnë fazat e tjera të planit të armëpushimit në Gaza, por shtoi se ka detaje që do të shqyrtohen ende.
Ai ka thënë se Hamasi po i mbledh pengjet për t’i dorëzuar, raportoi Guardian.
Trumpi ka theksuar se beson se marrëveshja do të zbatohet nga të dyja palët pasi “të gjithë janë të lodhur nga lufta”.
Presidenti amerikan pritet të mbledhë liderët botërore në një samit për Gazën gjatë vizitës në Egjipt javën e ardhshme. Është raportuar se do të shkojë edhe në Izrael.
Dhjetëra mijëra palestinezë janë nisur drejt veriut të Rripit të Gazës të premten pas hyrjes në fuqi të armëpushimit. 48 pengjet e mbetura, 20 prej të cilëve besohet se janë gjallë, pritet të lirohen të hënën.