Trumpi kritikonte Bidenin, gati rrëzohet edhe vetë duke ngjitur shkallët e Air Force One

Presidenti i SHBA-së, Donald Trump, gati është rrëzuar në shkallët e Air Force One të dielën përpara nisjes nga një aeroport në Morristown, New Jersey.  Trumpi po shkonte në Camp David. 

Pengesa teksa po ecte nëpër shkallë ka habitur njerëzit, teksa disa e krahasojnë atë me incidentet kur ish-presidenti Joe Biden pësonte ngjashëm.

Jo vetëm Trumpi, edhe sekretari i Shtetit, Marco Rubio është penguar ndërsa hipte në Air Force One të dielën.

Megjithëse Trumpi e ka marrë veten shpejt, videoja e asaj që mund të kishte qenë një rënie është bërë virale në platformat e mediave sociale.

"Nëse ky do të ishte Bideni, do të kishte lajme të fundit në të gjitha rrjetet televizive", ka komentuar një përdorues. Ndërsa një tjetër ka shkruar "Media nuk do të thotë asgjë për mprehtësinë e tij mendore”.

Një përdorues tjetër ka shkruar në X se “Nëse Donald Trump nuk mund të ngjitet në shkallë, ai është i papërshtatshëm për të qenë president...”.