Presidenti i SHBA-së, Joe Biden, është rrëzuar sërish teksa ka qenë duke u ngjitur shkallëve në aeroplanin presidencial që ishte në Poloni.
Ky moment është kapur në një kamerë dhe është bërë viral. Aty shihet Bideni që pengohet në njërën shkallë dhe e merr veten ende pa rënë krejt në shkallë dhe futet në aeroplan.
Nuk shihet se nga çfarë është penguar Bideni.
Pas vizitës në Ukrainë dhe Poloni, Bideni do të kthehet në Washington të mërkurën.
Rrëzimi i tij pikërisht në shkallët e “Air Force One” ka ndodhur pas gati dy vjetësh pasi i ndodhi një gjë e njëjtë si kjo. Në mars 2021, po ashtu u shpërnda videoja kur ai pengohet në shkallë dhe bie.
