-
Përktheu:
Flutura Gashi-Mehmeti
- 24 nëntor 2024 14:33
- Shpërndaje në:
Presidenti i sapozgjedhur amerikan, Donald Trump ka emëruar aleaten e vjetër Brooke Rollins për Sekretare të Bujqësisë, duke plotësuar listën e tij të kabinetit.
Trumpi e ka bërë njoftimin të shtunën vonë, raporton BBC.
“Si Sekretare e jona e ardhshme e Bujqësisë, Brooke do të drejtojë përpjekjet për të mbrojtur fermerët amerikanë, të cilët janë me të vërtetë shtylla kurrizore e vendit tonë”, ka thënë Trumpi në një deklaratë.
Emërimi i saj shënon fundin e një vorbulle, nganjëherë dramatike, nominimesh për të udhëhequr agjencitë ekzekutive.
Kush është Brooke Rollins?
Edhe
Trumpi nominon Howard Lutnickun për sekretar të Tregtisë
Rollins ka qenë një aleate kryesore e Trumpit për shumë vite, si bashkëthemeluese dhe presidente e Institutit të Politikës së Parë të Amerikës, një institut kërkimor pro-Trump.
Një ish-ndihmëse e Shtëpisë së Bardhë gjatë administratës së parë të presidentit të zgjedhur, ajo shërbeu si drejtoreshë e Zyrës së Inovacionit Amerikan dhe ushtruese e detyrës së drejtoreshës së Këshillit të Politikave të Brendshme.
Pasi u rrit në një fermë, Rollins u përfshi herët me “Fermerët e Ardhshëm të Amerikës”, përveç 4H, një klub bujqësor mbarëkombëtar.
Ajo u diplomua në Universitetin A&M të Teksasit me një diplomë Bachelor të Shkencave në zhvillimin e bujqësisë dhe më vonë punoi si juriste.
Nëse konfirmohet nga Senati, ajo do të mbikëqyrë subvencionet e fermave, programet federale të të ushqyerit, inspektimet e mishit dhe aspekte të tjera të industrisë së fermës, ushqimit dhe pylltarisë të vendit.
Ajo do të luante gjithashtu një rol kyç në rinegocimin e marrëveshjes tregtare midis SHBA-së, Kanadasë dhe Meksikës, e cila mund të përfshijë vendosjen e tarifave të premtuara nga Trumpi.
Ekipi i kabinetit është kompletuar
Donald Trumpi ka zgjedhur deri më tani këta persona për rolet kryesore në kabinetin e tij të ri: Marco Rubio si Sekretar Shteti, Scott Bessent si sekretar i Thesarit, Pete Hegseth si Sekretar i Mbrojtjes, Pam Bondi si Prokurore e Përgjithshme, Doug Burgum si Sekretar i Brendshëm, Brooke Rollins si Sekretare e Bujqësisë, Hoëard Lutnick si Sekretar i Tregtisë, Lori Chavez-DeRemer si Sekretare e Punës, Robert F Kennedy Jr si Sekretar i Shëndetësisë dhe shërbimeve njerëzore, Scott Turner si Sekretar Strehimi, Sean Duffy si Sekretar Transporti, Chris Ëright si Sekretar i Energjisë, Linda McMahon si Sekretare e Arsimit, Doug Collins si Sekretar i çështjeve të veteranëve, dhe Kristi Noem si Sekretar i Sigurisë së Atdheut.
Edhe
Trumpi shkarkon sekretaren e Sigurisë Kombëtare
Emërimi i Rollins shënon fundin e zgjedhjeve të Trumpit për kabinetin e tij, një grup prej 15 këshilltarësh që secili drejton një departament burokratik brenda qeverisë amerikane.
Çdo kandidat do të duhet të konfirmohet nga Senati.
